كلمات مينرفا .. الاخيرة

ضاعت العَصَا .. فلا أنا أجد ما أتوكأ علية و أهش به غنمي ولا أنا أُشْفي من علة السقوط بعد الوقوف في كل حين .
وألان .. أٌعلن عجزي الكامل .. انسحابي و انزوائي فانسحاقي ثم ضياعي بين صفوف الضالين
أُعلن صمتي .. بل لن أُعلنة . .سوف أصمتة .. سوف اصمت صمتي
جسدي البارد نصف الميت ممدود فوق أرضية حجرة مبعثرة الأشياء ..
تطل من عيوني نظرة هي ليست لـــخوف .. بل هي نظرة ما بعد اعتيــاد الفـــزع !!
احدي يداي أضغط بها جبهتي و منبت الشعر و الأخرى كممت بها فـــمي..
أحكمت اغلاقهما .. رأسي و فمي .. فلا نافذه تطل منها فكره ماجنة او خاطرة دؤوب ..
وعن أنفاسي المتلاحقة فتكــاد حرارتها أن تســلخ جلدي نصف الحي ..
عجبت من تمرد بعض أجزائي - بل كدت أتعجب- لولا إنني تذكرت أن الصامتون لا يعجبون !! لا يكترثون .. لا يرفضون او يقبلون .. لا يبالون .. هم ليسوا موجودين !!
***************
يسقط هذا الـــزيف الساكن في الأحشاء .. يسقط يسقط يسقط ..
بهـــا بدأ نضــالة ..
و هكذا اوشك ان ينتهي .. بأن ينحر بيدية أمانية البسيطة لأنها – ببساطه- تبغضُ سطوة المقصلة

****************
بين " لا " هزيلة .. مهزومة لآلاف المـــرات , و بين موسيقي الكمان الحزين أرقد أنا
يئن الكمان .. ينــــوح .. يتعالى الصـــــــريخ ....
اهرع كأن بي مس من جنون .. أسكِــتوا هذا النحيب , أتخبط في الحوائط العالية داخل الطرقات الضيقة .. أسكِـــتوا هذا النحيب ..
ارفع يـــداي أضعهما فوق أُذنـــاي و اضغط بقوة .. اضغط اكثر و اكثر
يختفي الضجيج رويدا .. تستقر ابتسامة بلهاء علي شفتي
ما أجمل الصمم .. اقولها .. فيحجب عني سمعها الصمم !!
****************
يسقط هذا العنف الطائر في الاجواء و المتنفس مع الهواء و المشروب مع الماء .. يسقط يسقط يسقط
هي كلمات خرجت مع زفرة لكتكوت بين منقار حدأه
***************
الزحام يحيط بي .. الضجيج البصري يشوه الرؤيا
يشوهني انا
اقف وسط الحشود ارفع يداي الي عنان السماء علها تلمس ازرع اتون الدافئه المعبأه دوما بالخير فلا اجد سوي الوحشه .. فاهبط بهما ثانيه اضعهما فوق عيناي و اظل اسير مع الحشود .. تتخبطني الكائنات المحيطه .. و اظل اسير .. كلنا نسير ..
**************
استسلم لمشاعري السلبية المفلسة
يتبلد إحساسي و تترهل افكاري .. اكره اي تلقي لاشارات من العوالم الخارجيه
فأقبع داخل نفسي .. صماء بكماء عمياء
تزورني مينرفا ربة الحكمة فتجدني خاوية
فترحل هي غير اسفة و تتركني انا اموت موتا كاملا غير منقوص .

مش عايزين تعديل دستور .. عايزينك ترحل و تغور

يوم الاثنين فيه استفتاء على تعديل 34 مادة في الدستور المصري دستور بلدنا اللي بيقول البلد تمشي إزاي وبيحدد حق وواجب كل واحد فينا, التعديلات دي الحزب الوطني عملها بمعرفته .. تعديلات تفصيل على مقاس جمال بيه , عشان محدش يتكلم أو يعترض أو يطالب بحقه أو يرفع راسه , مش كدة وبس كلنا هنكون مهددين في الشارع وفي شغلنا وبيوتنا وأكل عيشنا .تعديل المادة 179 بيدي الحق لأي أمين شرطة إنه يدخل بيتك ويفتشك ويراقبك ويراقب تيلفونك ويسجلك صوت وصورة ويحبسك وكل ده بمزاجه من غير إذن نيابة ولا دياولو وبعدين يوديك محكمة عسكرية لأنك إرهابي ؛ يعني مفيش حصانة لمحامي ولا صحفي ولا قاضي ؛ يعني مفيش عدل ولا صحافة ولا قانون , وكله بالدستور يا بيه !أما بقى تعديل المادة 88 فده بيلغي الإشراف القضائي على الانتخابات ويسيبها للداخلية وبتوع " نعم نعم يا مبارك " يطلعوا النتيجة اللي هما عايزينها . التعديلات كمان هتمنع أي مستقل يترشح للرئاسة يعني انكتب علينا وعلى ولادنا رئيس من الحزب إياه لحد ما نموت , ورئيس الجمهورية بقى من حقه يحل مجلس الشعب من غيرحتى ما يستفتي الناس ؛ يعني احنا ننتخب مجلس شعب هو ييجي يحله من دماغة ويطلعلنا لسانه .يعني من الآخر البلد هتبقى عزبة مبارك وولده , واحنا عبيد وأنفار عندهم مالناش حقوق وكتّر خير ناظر العزبة إنه سايبنا قاعدين .احنا بقالنا كتير بنتكلم عن الحرية والديمقراطية وحقوق الإنسان والشفافية وتداول السلطة والنهب والفساد والقطارات والعبارات والسرطان والعنوسة والبطالة والفقر والجهل والمرض و عندنا استعداد نفضل نتكلم ونحاول تاني وتالت , بس التعديلات دي هتحرمنا حتى من أبسط حقوقنا كبني آدميين وهو حق الكلام والتعبير, الموضوع مش المعارضة والناس بتوع السياسة بس , الموضوع هيضرنا كلنا , أي حد هيفتح بقه دلوقتي ممكن يبقى إرهابي مفيش حرمة ليه ولا لبيته وعرضه وحريته وكرامته , من حقنا نكون زي كل شعوب الدنيا اللي واخدة حقها والحكام بيشتغلوا موظفين عندها , من حق ولادنا يعيشوا في مصر أحسن من اللي احنا عشنا فيها , كل واحد فينا هيجيله يوم يسأل نفسه أو ولاده هيسألوه كان فين يوم ما البلد اتباعت وبقت تكية لمبارك والعصابة اللي معاه ؟!دي آخر فرصة نتكلم واحنا لسة بني آدمين نرفض الاستعباد والذل اللي عايزينا نعيش فيه , يمكن تكون دي آخر مرة نقدر ننزل الشارع فيها نعبر عن رأينا ما هو بعد كدة اللي هيتكلم هيبقى إرهابي

.يوم الأحد 25\3 الساعة 6 هنكون كلنا في ميدان التحرير , كل الأحزاب والتيارات والاتجاهات , رجالة وستات , ولاد وبنات , هنبات ليلة في الشارع نقول كلمتنا ونوصل صوتنا ونبقى عملنا جزء من اللي علينا قدام نفسنا وولادنا وقدام ربنا , مهما يعملوا هننزل الشارع ومش هنخاف ومش حنسيب بلدنا عشان احنا أصحابها

.شباب بيحلم ببكرة