حاله زوجيه

لما تلاقي الهدوم محبوسه جوه الدواليب بتعيط...
اعرف اني بدأت ازهق
لما تلاقي دلفه الدولاب بتتقفل علي ديل الفستان و يبقي نصه جوه و نصه بره
اعرف اني بدات افقد صبري
لما تصحي الصبح و تلاقي الهدوم لمت نفسها في شنطة و مشيت...
اعرف اني مش قعدالك في البيت ده تاني ..
لما تلاقي مرتبة سريرنا محفور عليها شكل جسمي و رائحتي فيها رغم غيابي
أتأكد اني عمري ما حبيت غيرك و لا ناويه
امتي بقه هتيجي تصالحني ؟!