Sunday, August 13, 2006

الغاوي ينقط بطقيته

ليه غاوي تلعب معايا ترويض النمرة .. أنا ما بتروضتش .. لأني ببساطه مش من فصيلة القطط
اجري ورا تمرداتي و جنوني اد ما نَفَسَك يطوووول
ها .. يالا حاول تمسكهم .. بس أوعي تتكفي علي وشك .. أحسن تتخرشم وسامتك
وصلت لأيه ؟ مسكت الهوا ؟ قصدي تمرداتي ؟؟
يالا بقه بسرعة احبسها جوه الازازه .. بسرعه يسرعه لحسن تفلت منك
ها ؟ مليت الازازه ؟ يالا بقه .. بطول دراعك و ارمي القمقم في المالح .. واجري صليلك ركعتين شكر لله وادعي ما يشبكش عفريت القمقم في صنارة غاوي .. ماشي ينقط بطقيتة ..

2 Comments:

Blogger مراكب ورق said...

فرويد بيقول ان الحياة تبدا بعد قتل الاب نفسيا يعني ورغم انه هرتل كتير الا ان المقولة دى من اهم الحاجات اللي قالها

5:58 PM  
Blogger Bassma said...

ايوه ايكاروس بس في حالتي دي هحتاج اقتل الاب و الحبيب و الاخ و كل اللي بيقهروني . لكن لو عملت ده هكون لوحدي في الدنيا
فهسيبهم يمارسوا قهرهم عليا و اعيش نص حياه

11:48 PM  

Post a Comment

<< Home