Thursday, February 08, 2007

بابا الجديد

مع السلامة يا حبيبتي
هكذا نطقها .. احرفها مغمورة بنكهة النعناع
فرشاة اسنانة تمارس رياضاتها الاثيرة .. تزلجها الرشيق علي اسنانة جليدية البياض يحدث صخبا, ايقاعاتة الراقصة يدقدق الصمت فيطحنة و ينثر شظاياة الملونة مع شعاعات الشمس
كان هذا في احد الصباحات شديده العادية
حقيبتي علي كتفي واوراقي في يمناي اضعهما علي الطاولة و القي نظرة خامسة كانت او سادسة علي سطح المرايا للتأكد من تمام هيئتي

دبابيسي النافرة البارزه دوما من طرحتي – مهما كان نسيجها – يحيرني
فهي في حالة تأهب دائم للسقوط
و حالات انتحارها تلك تصيبني بالغيظ و تصيب امي بالجروح في قدميها
اخلع الدبابيس و عويناتي الطبية تختلس نظرة الي الساعة في معصمي
عقارب الساعة تلدغ قلبي .. فهي مع كل قفزة تذكرني بأن خصم نصف يوم او كلمتين صفراوتين تنتظراني علي باب مكتبي
استغفر ربي الكريم و اطلق زفرة لونت سطح المرايا ببخار ناعم .. اعيد ترتيب دبابيسي في طرحتي بعد احكام لفها
اشد حقيبتي و اوراقي واتجة مسرعة صوب الباب و اخبر ابي اني ماشية .. و اني متأخرة .. و ان يومي طويل وان فطوره علي الطاولة و ان شايهٌ يغلي علي النارعليه ان يصبه قبلما يتبخر
افتح الباب و اهم بالخروج .. فاذا بكلماتة الغريبة تسيل من فمة مع معجون الاسنان
مع السلامة يا حبيبتي خللي بالك من نفسك
اتسمر في مكاني لحظة
استعيد كلماتة ثانية .. اشك في ان عطبا اصاب اذناي هذه الايام فهي كثيرا ما تخطئ السمع
انزلت حقيبتي برفق و وضعت اوراقي بجوارها علي الطاولة
فمة هذا الذي طالما ابكاني نقدة اللازع .. و سهرني في سريري افكر في خطط الانتقام !!
لطالما جلدتني قسوتة المبررة بخوفة عليّ
لا بد ان اذني اضحت خربة .. اوصل سوء السمع بها الي هذا الحد ؟
التففت .. خطواتي الحذرة تتحرك علي الارض ببطء و حرص خشية ان ينكسر قشر البيض تحتها
-بابا
-ايوه يا حبيبتي
قالها ثانيه .. يقصدني انا .. يقصد انني حبيبته
هشمت كل البيض تحت اقدامي بقفزاتي السعيدة غير المصدقة
وتقلتت من حلقي بل من قلبي ضحكة قصيرة حادة التون
قلت .. لا .. مفيش .. انا كنت بقول اني خلاص حالا ماشية فمع السلامة يا حبيبي

20 Comments:

Blogger 3asfortels7ab said...

ده اكتشاف جديد سعيد عارفة لما يبقي عندك حاجة قديمة متربة وانت مش واخدة بالك منها وفي يوم اكتشفتيها و نفضتي التراب فقلتي ياة دي جميلة اوي ازاي انا كنت سيباها كده دي كانت تايهه عن عيني
بتهيقلي هو الموقف كده
ويارب دايمن الضحكة تبقي من القلب والعين سوا

7:52 PM  
Blogger Unknown said...

لقطة رائعة
أكيد ناس كتير مرّوا بنفس الموقف لكن مفيش حد فيهم سلّط النور عليه وقدر يصيغه بالجمال ده
تحياتي

11:04 AM  
Anonymous Anonymous said...

مش هاقولك زى كل مرة إنى معجبة بكتابتك
المرة دى هاقولك إنى معجبة بيك إنت عشان أخيراً بدأتى تخدى بالك من الناس اللى بيحبوكى من زمان بس إنت اللى كنت متجاهلة حبهم ليكى
و بيتهيقلى إنها مش المرة الأولى اللى يقولها فيها
لكنها المرة الأولى اللى قررتى تسمعيها فيها
و عقبال لما تقررى تسمعى بقيت الناس..........
مش هامضى لإنى متأكدة إنك عرفانى كويس

6:33 AM  
Anonymous Anonymous said...

أه نسيت أقولك إقتراحى
ممكن نسميها بسمة الجديدة بدل بابا الجديد
ربنا يوفقك
بردو مش هامضى

6:34 AM  
Blogger Bassma said...

عصفوره السحاب .. صح هي بالظبط كده زي ما انتي فسرتي بالظبط (: انا مبسوطة بتعليقك و نورتي
اميرة .. دي اول مرة بتعلقي هنا .. اسعدني جدا تعليقك
فراشتي الجميلة .. انا عرفتك خلاص .. تعليقك عبقري و في و ق ت ة.. " و في وقتة "

10:12 PM  
Blogger KING TOOOT said...

الحضن موجود بس إحنا نعرف نتحضن
و العين تشوف عين تانية غرقانة في شجن
و ساعتها قلبك يجري يفتح ع الوجود
كله ،، و يستغرب في يوم إنه إتسجن
وعجبي
KING TOOOT

9:50 PM  
Blogger Nour said...

Ufff.. this is so sweet.. :))))

حسيت بيكي قوي عشان حصل قبل كده معايا نفس الموقف.. بس أنا بقى فضلت متنحة و مردتش زيك
:)

10:37 PM  
Blogger Bassma said...

كينج توت .. بجد بجد تعليقاتك دايما عبقرية.. و بتسعدني :)

الجميله نور اوقات كتير جمال المفجأه بيخلينا متنحين :)

1:30 PM  
Blogger Nour said...

Geit bas 3shan a2olek alf mabrook ya Bassma :) Rabena ytamemloko b alf 7'eir inshallah :)))

10:00 AM  
Anonymous Anonymous said...


!!... مبروك مرة تانية .. ربنا يوفقك

6:24 AM  
Blogger Bassma said...

نور الله يبارك فيكي يا قمراية و عقبالك :)
انومينوس الله يبارك فيك مرة تانية و ربنا يوفقك :)

8:35 AM  
Blogger 3aziz 3eni said...

هل كنت تشك فى انك حبيبته؟!؟؟؟؟؟
غريب امر الفتاه فهى حبيبة ابوها ولا تعرف انه يعشقها عشق الرجل لرجولته ولا يسمح ان يمسها نسيم بارد او حتى لو كان فى اغسطس يخشى عليها من نفسه حتى ....ولكن انه احيانا لا يعرف ان يقول حبيبتى لابنته لعلها تتدلل عليه وينفلت الزمام من يده

لا تغضبن ايتها الفتيات ان ابائكن يحبونكن بل يعشقونكن نعم انا واثق من هذا انا ايضا اعشق ابنتى عشقى لنفسى واغار عليها حتى من البامبرز فلا تقسن على ابائكن....حتى ولو لم يقل لك حبيبتى

1:47 AM  
Blogger DantY ElMasrY said...

بسمه العزيزة باباكى معجب بيكى وبيحبك ...ومعاه الحق فمن يعرفك ولا يحبك عنده مشكلة عزيزتى كثيرا ما نتأخر فى اكتشاف اقرب الناس الينا وفهمهم وكثيرا ما يتأخرون بدورهم عن ذلك بابا معجب بيكى وراضى عنك ويشكر نفسه على حسن التربيه وكلامه يعنى انه يحمد الله كثير الحمد على أن أعطاه بسمه الرقيقة والجميلة والأصيلةتحياتى لمحمد عبد السلام وربنا يخليله البسمه على شفتيه وفى قلبه وحول حياته

4:30 AM  
Blogger Bassma said...

يا دانتي ا جميل .. مش عارفة ارد .. كلامك حلو اوي .. مش عارفة ايه ممكن يتقال بعده .. تحياتي ليك و ربنا يفرحنا بيك قريب اوي
سكومونس .. اسعدني تعليقك ..ربنا يفرحك ببنوتك

11:27 AM  
Blogger دكتور مستكنيص said...

ياااااااااه إيه يابنتي الأسلوب الروعة ده بجد والله روعة منتهي الروعة بسم الله ماشاء الله قلم زي قلمك ده المفروض ميقفش

5:38 AM  
Blogger AZ said...

ان مقريتش البوست.. انا بس داخله اقولك انى مندهشه من الصدفه اللى وضحتيهالى.. انا ضيفتك على الماسنجر
bezret_eldor@hotmail.com
ومعلش انا اسفه جدا اضطريت امسح تعليقك من عندى عشان كان فيه تفاصيل شخصيه كتير :) هقرا البوست وارجعلك

5:12 PM  
Blogger micheal said...

كلامك جميل يا بسمه...أتمني لكي السعاده و خليكي دائما واثقه من حب بابا ليكي مهما حدث
تحياتي لكي

9:01 AM  
Blogger Bassma said...

دكتور مستكنيس : شكرا علي تعليقك اللطيف
az .. ردي طبعا متأخر جدا بس ولا يهمك يا جميلة .. اسعدي دوما و استمتعي بالحياه
ميشيل شكرا جزيلا.. كلامك رقيق :) اسعدني تعليقك

11:19 PM  
Blogger الوردة السوداء said...

جميلة اوى
الروح بتاعة كتباتك
انا اتخيلت معاكى كل حاجة
وعشت معاكى القصة

12:59 PM  
Blogger Bassma said...

ردي متاخر اوي يا ورده بس كان ضروري اشكرك علي اهتمامك و تعليقك اللطيف

9:15 AM  

Post a Comment

<< Home